一次过数哂「唔值咁贵」嘅牌子...

  • 编辑时间: 2019-08-31
  • 浏览量: 469
  • 作者:

一次过数哂「唔值咁贵」嘅牌子...

自情人节起,Pandora 就不停比人闹,闹佢条链根本「唔值咁贵」,「个粒又唔係陨石,点解要咁贵?陨石都唔使咁贵啦」。其实 Pandora 几无辜,又唔只佢一个牌子「唔值咁贵」,唔係卖Pandora个个戆鸠卖到条链咁贵,係咁贵都买条链个个戆鸠姐。

「唔值咁贵」嘅牌子点只Pandora 呀…

不如一次过数哂D 根本「唔值咁贵」嘅牌子出来啦,以下我精选左几个牌子,卖到咁贵,我真係百思不得其解。

–> 徐濠萦个对几千蚊嘅 MBT,同我呀妈喺 DR KONG 买个对299夏日之选有咩分别?「徐濠萦个对健康鞋黎架…」,「着鞋要健康,去搵 Dr .Kong」喎。

–> TOMS 同古代人着个对布鞋有咩分别?同埋佢真係好似烧比死人嘅纸扎鞋呀。(你睇下张图,有咩分别? tell me)

–> 落雨 office 班女人着个对千几蚊嘅 hunter 黑色长胶靴,同平时街市卖鱼胜个对有咩分别?

–> ISSEY MIYAKE 个个七巧板袋,我以为佢係一个摺得埋嘅环保袋,原来我太睇小佢。个袋好熟口熟面,谂左好耐我终于知点解,个袋係似理工大学门口个顶呀。

–> Anterprima 用 n 粒珠串成嘅 My Melody 袋,要2万几蚊,咁点解唔去Sanrio 买只My Melody,几百只都买到啦,返屋企用My Melody 玩动物大迁徙都得啦。

仲有400 蚊嘅 XPX 拖鞋啦,几条横纹嘅 Y3 啦。fashion 呢D 野大概只有 Wyman 同徐濠萦先明。

只要佢够潮,佢就值咁贵架啦…

我觉得真正嘅潮童,係你可以着到件野贵左,能够为件平衫增值。咁讲好抽像,其实唔难,你睇下谢柠檬,佢係能够着件白色背心底衫,出席大小公开场合。我深信,就算係裕华国货嘅菊花牌背心,甚至利工民嘅啡色羊毛底,谢柠檬都可以驾驭到。

贵唔等于潮架…

如果贵野就係潮野,Pandora 点都唔够龙凤镯潮啦,又唔见D 女人戴。「龙凤镯 leung 呀嘛」,如果徐濠萦戴龙凤镯出街,你仲觉得leung 唔 leung?

点解呢D「唔值咁贵」嘅名牌咁多人买?

到底係因为好多人钟意所以先卖到咁贵,定係因为佢咁贵,先咁多人钟意?似乎香港嘅情况似係后者。条 Pandora 本来就唔係好靓,但因为佢贵,所以条 Pandora 由普通靓变做好鬼靓,讲到尾就係虚荣心。

PS. D港女真係难服侍,送贵野又话俗不可耐,送平野又话「都冇放我在眼内」,想收咩姐你地?其实道理真係易过借火,钟意嘅,唔使送Pandora,送条黄色橡筋都收货;唔钟意嘅,你送成间 Pandora 旗览店,都冇用架。

(原载于:姐死姐还在)